40 жастағы Вагнер Лав Бразилияның үшінші дивизионында ойнайтын болады

Вагнер Лав Бразилияның «Ретро» клубымен келісімшартқа отырды, деп хабарлайды клубтың инстаграм парақшасы.

Қырық жастағы шабуылшы — Бразилия чемпионатының үшінші дивизионындағы команданың жаңа ойыншысы, келісімшарт бір маусымға жасалған.

Мәскеу ЦСКА-сының бұрынғы шабуылшысының соңғы жұмыс орны елдің екінші лигасы — Б Сериясында өнер көрсететін «Аваи» клубы болды, онда футболшы он жеті ойында екі гол соққан.