Team Falcons менеджері киберспортшылардың «зейнеткерлік клубы» туралы сынға жауап берді

Pley.gg мәліметі бойынша, Team Falcons менеджері Ксавье Руссак киберспортшылардың оның ұйымына мансабын аяқтауға келетіні туралы кең таралған пікірге түсініктеме берді.

«Falcons — бұл ойыншылар мансабын аяқтауға келетін жер деген көп әңгіме бар. Бірақ бұл олай емес. Киберспортшылар Falcons-қа ақша үшін келмейді. NiKo немесе m0NESY сияқты ойыншылар тек ақша үшін келеді деп ойлау — бұл абсурд. Олар осында жеңіске жету үшін келген нағыз жауынгерлер», — деді Руссак.

Командадағы жоғары жалақы туралы сұраққа жауап бере отырып, менеджер ұйымның лайықты жағдай ұсынатынын, бірақ ойыншыларға артық төлемейтінін мойындады. Сонымен қатар, Team Falcons трансфер бағасы қолайлы болса, келісімшарттарды сатып алуға дайын.

Еске сала кетейік, жыл басында командаға Никола «NiKo» Ковач қосылды, ал төрт күн бұрын құрамға ресейлік снайпер Илья «m0NESY» Осипов келіп, Абдул «degster» Гасановтың орнын басты.