34 жастағы Гагарин кубогының иегері Федор Малыхин қайтыс болды

Белгілі хоккейші Федор Малыхин қайтыс болды, деп хабарлайды Championat.com. Спортшының денесі өз пәтерінен табылған.

Малыхиннің кәсіби хоккей жолы «Автомобилист» командасында басталды. 2010 жылы ол алғаш рет Континенталдық хоккей лигасында (КХЛ) ойнады. Оның ең үлкен жетістігі – 2014-2019 жылдары «Ак Барс» командасында ойнап, 2018 жылы Гагарин кубогын жеңуі.

Мансабы барысында ол «Трактор», «Витязь» және «Авангард» клубтарында да өнер көрсетті. Оның соңғы командасы «Авангард» болды, бірақ өткен көктемде клубпен келісімшарты бұзылған еді.

Федор Малыхин КХЛ-да жалпы 548 матч өткізіп, 220 ұпай жинаған. Ол 107 шайба соғып, 113 нәтижелі пас берген.