30 жастағы қорғаушы Юрий Паутов «Автомобилист» құрамына өтті

Екатеринбургтің «Автомобилист» клубы қорғаушы Юрий Паутовпен сынақ келісімшартқа қол қойды, деп хабарлайды клубтың ресми сайты.

Отыз жастағы хоккейші өткен маусымды «Куньлунь» құрамында өткізді — КХЛ тұрақты чемпионатының 53 ойынында 11 ұпай жинады (1 гол + 10 пас), пайдалылық көрсеткіші «+5» болды, мұзда орташа есеппен 18 минут 28 секунд өткізді.

Биылғы маусымда қорғаушы «Рязань-ВДВ» сапында 5 ойын өткізіп, бір шайба соғып, пайдалылық көрсеткіші «-1» болды.