26 500 жанкүйер Қазақстан — Лихтенштейн матчына Астанада келді

Әлем чемпионаты-2026 іріктеу турнирінің Қазақстан мен Лихтенштейн арасындағы матчында көрермендер қолдауы жоғары деңгейде — «Астана Арена» стадионының трибуналарына 30 200 орындық сыйымдылықтан 26 500 жанкүйер жиналды.

Қазақстан құрамасы сенімді ойын көрсетуде — екінші таймда есеп 3:0. Ғалымжан Кенжебек 26-шы және 59-шы минуттарда дубль жасаса, Бақтиер Зайнутдинов 28-ші минутта гол соқты.

Бұл кездесуге дейін Мағомед Адиев шәкірттері іріктеу циклінде үш ұпай жинаған болса, Лихтенштейн құрамасының қоржынында ұпай жоқ. Қазақстан құрамасы үшін бұл қазіргі іріктеу науқанындағы алтыншы матч.