«1xBet Pro Hokei Ligasy» жартылай финалы: «Торпедо» серияны жалғастырды, «Арлан» финалда

«1xBet Pro Hokei Ligasy» жартылай финалында «Торпедо» мен «Хумо» арасындағы тартысты серия жалғасуда. Өскеменде өткен алғашқы екі ойында командалар бір-бір жеңіске жетті. Кейінгі екі матч Ташкентте өтті, онда «Хумо» сенімді жеңістерге қол жеткізіп, сериядағы есепті 3:1 қылды. Алайда, 26 наурызда Өскеменде өткен бесінші ойында «Торпедо» 3:1 есебімен жеңіске жетіп, жалпы есепті 3:2-ге қысқартты. Келесі матч 30 наурызда Ташкентте өтеді.

Екінші жартылай финалда «Арлан» 25 наурызда «Сарыарқаны» 7:1 есебімен ойсырата жеңіп, финалға жолдама алды. Осылайша, серия 4:1 есебімен Көкшетаулық клубтың пайдасына аяқталды. Енді «Сарыарқа» үшінші орын үшін таласады.