1XBET Media Football League турнирі: өтетін орын, уақыт, командалар, көрсетілім

18-ші қаңтарда Астанада ТМД-ғы жылдың басты медиа футбол бәсекелерінің бірі – 1XBET Media Football League турнирі басталады. Оған Қазақстан, Өзбекстан, Қырғызстан, Беларусь және Ресейдің үздік командалары қатыспақ.

Sport Pulse – турнирдің ақпараттық серіктесі. Осыған орай, біз сіздерге бұл бәсеке туралы мәлімет ұсынуды жөн көрдік.

1XBET Media Football League: командалар құрамы

Астанаға ТМД медиа футболының мықтылары жиналады. Әр қатысушының өзіндік ерекшеліктері бар. Сонымен.

А тобы

• SD Family (Қазақстан)
• Inform (Беларусь)
• Амкал (Ресей)
• Unwanted Boys (Өзбекстан)

SD Family. Қазақстан медиа футболының пионерлері. 2021 жылы команданың негізін қалаған Дидар Сыдықбек. Ол кәсіби деңгейде «Ақтөбе» және «Ордабасы» клубтарында өнер көрсеткен. 2022 -ші жылы SD Family Ресейдің Медиа футбол лигасына қатысты. Бұған дейін, команда «Астана-Аренада» «Амкалға» қарсы матч өткізіп те үлгерген. Қазақстан Медиа футбол лигасын үш рет жеңіп, қазіргі уақытта халықаралық МФЛ-ң чемпионы саналады.

Бір қызығы, клуб құрылымында Қазақстанның бірінші лигасында өнер көрсететін кәсіби команда және академиялар желісі де бар.

Сондай-ақ, Дидар Сыдықбек (Қазақстан медиа футбол лигасының президенті қызметін де атқарады) SD Family балалар академиясының директоры Арчимен бірге «Sport Pulse» подкастының қонағы болып, ресейлік 2Drots командасымен болған түсініспеушіліктер туралы әңгімеледі (бұл туралы мына сілтемеден оқуға болады).

 

Inform. Беларусь тарихындағы алғашқы медиа команда. Оны 2021-ші жылы блогер Влад Хованский (Высокий футбол) құрған. Команда ойыншылары медиа саласында жұмыс істеп, ерекше контент жасаудың жолын біледі.

Амкал. Медиа футболдың нағыз алыптары. Олар арқылы турнир ТМД-да бастау алды десек те болады. Команданы 2018-ші жылы блогер Герман El Clasico (Попков) құрды. Клубтың атауын жанкүйерлердің өздері таңдады, ол бір кездері РПЛ-да өнер көрсеткен пермьдік «Амкар» клубын еске түсіреді. «Амкал» көптеген медиа футбол турнирлерінде жеңіске жеткен және 2022-ші жылдан бастап кәсіпқойлардың бәсекесі Ресей Кубогына қатысып келеді. Өзі үшін алғашқы жарыста «Амкал» турнирдің 1/128 финалына шыға алды, 2023-ші жылы да жағдай қайталанды: ол кезде команда «Текстильщикке» пенальтиден жеңіліп қалған еді.

2024-ші жылы «Амкал» Ресей кубогының 1/64 (!) финалына шығып, 1995-ші жылғы ел чемпионы Владикавказдың «Аланиясынан» ұтылды.

Астанадағы турнирге «Амкал» үздік ойыншыларымен қатыспақ. Қазақстанға Василий Маврин келмек. 35 жастағы жігітке кәсіпқой футболға жол ашылуы мүмкін: РПЛ-ң «Пари НН» клубы оны жаттығу жиынына шақырыпты.

«Амкал» ойыншысы Василий Маврин

«Амкал» құрамындағы ойыншылар РПЛ жанкүйерлеріне таныс. Мысалы, Санкт-Петербургтің «Зенит» командасының бұрынғы қорғаушысы Илья Скроботов. Ол 2000-шы жылы туған ойыншылардың ішіннен алғашқы болып Ресей чемпионатында гол соққан футболшы.

Unwanted Boys. «Амкал» мен «2Drots»-тан кейінгі ТМД-да ең танымал медиа футбол командасы. Көп ұзамай олардың YouTube арнасына жазылушылар саны 1,5 миллионнан асып жығылуы мүмкін. Клуб басшылары Өзбекстан чемпионатына қатысып, стадион салуды жоспарлап отыр.

2025-ші жылы жігіттер Италияға (Жерар Пике ұйымдастырған медиа футболдың Әлем чемпионаты) Kings World Cup Nations 2025-ке қатысты. Бұл турнирде олар Өзбекстан құрамасы ретінде өнер көрсетті. Топтан шыға алмағанымен, соңғы матчта Перу құрамасын тізе бүктірді.

Команданы фристайлер Ислам Абуджабборов құрған.

В тобы

• Жайдарман (Қазақстан)
• Broke Boys (Ресей)
• Впорядке (Қазақстан)
• Top Team (Қырғызстан)

Жайдарман. Команданың ерекшелігі – құрамында КВН қатысушыларының болуы. Олар тек тапқырлығымен ғана емес, футболдағы шеберлігімен де көзге түседі. Команда КазМФЛ-дың бесінші маусымында жеңіске жетті. Клуб жұлдыздарының бірі – әзілкеш әрі актер Данияр Бекжанов. Ал команда капитаны Андрей Шабанов медиа лиганың чемпионы атанғаннан кейін, Қарағандының «Шахтер» командасына шақырту алды.

Broke Boys. Ресей медиафутболының нағыз драма мен хайп корольдері. Клуб президенті – журналист Дмитрий Егоров. «Броуктар» құрамында ТМД-дағы ең танымал медиа футболшылардың бірі – Алишер Рахимов бар. Ол ең әдемі әрі алыстан соғылған голдың авторы. Сондай-ақ, ол Тәжікстанның олимпиадалық құрамасына шақырту алған. Алайда құжат мәселесіне байланысты Астанаға келмеуі мүмкін. Бірақ клуб онсыз да жаңалық жасауды біледі.

Мысалы, «броуктар» Пол Погбаға командаға қосылуға ресми шақырту жіберу арқылы, бүкіл әлемге танылды.

Broke Boys турнирлердің финалдарына ең жиі шыққан команда – 7 рет, тек сегізінші ақтық ойында ғана чемпион атанды. Ал Шаюновтың әйгілі буллиті reels және shorts-та 1 миллиардтан астам қаралым жинады.

Впорядке. Қазақстан медиа лигасының жас әрі жауынгерлік мінезі бар командасы. Олар Қырғызстандағы 2023-ші жылғы маусымды жеңіліссіз аяқтады. Ал Қазақстан лигасының финалында «Жайдарманға» қарсы кездесуде нағыз шоу көрсетті. Команданың басты жұлдыздарының ішінде – ағайынды Майк және Даниил Крапивниковтар бар.

Top Team. Жігіттер Астанаға JenishkeQarai («Жеңіске қарай») ұранымен келмек. Құрамында танымал блогерлер, актерлер және музыканттар бар. Top Team Қырғызстан футбол одағымен бірлесе жұмыс істейді, елде футболды дамытып, танымал етуде. Команда үш рет Қырғызстанның МФЛ чемпионы атанған.

1XBET Media Football League: өткізілетін орны мен уақыты

Барлық матчтар «Астана Аренада» өтеді. Топтық кезеңнің бірінші турының кестесі мынадай.

18-ші қаңтар

16:00 (барлығы Астана уақыты)

SD Family – Unwanted

18:00

Амкал – Inform

19-шы қаңтар

16:00

Впорядке – Top Team

Broke Boys – Жайдарман

Турнир регламенті

Әр матч екі таймнан тұрады: Бірінші тайм – 45 минут (кәдімгі футболдағы сияқты).
Екінші тайм – 35 минут (жалпы уақыт) және 5 минут (таза уақыт).

Матчтың ерекшелігі – ойындарда көк доп қолданылады. Әрбір команда оны бес минуттық таза уақыт ішінде 2,5 минутқа алып, онымен ойынның бірінші тоқтауына дейін немесе тоқтаулар болмаса, осы 2,5 минуттың соңына дейін ойнай алады. Көк доппен соғылған гол екі ұпаймен есептеледі.

1XBET Media Football League: онлайн көрсетілім

1XBET Media Football League-ның тікелей көрсетілімін турнирдің YouTube арнасынан тамашалауға болады.