19 жастағы Арсеналдың тәрбиеленушісі Шрусбери Таунға ауысуы туралы айтты

Лондондық Арсеналдың тәрбиеленушісі Исмеал Кабиа 2025/26 маусымына Шрусбери Таунға жалға алынды, деп хабарлайды BBC Radio Shropshire.

Жасөспірім жасынан Арсеналда ойнап келе жатқан 19 жастағы футболшы жаңа команда үшін үш ойын өткізіп, төрт ұпай жинауға және Барнетке қарсы маусымдағы алғашқы жеңіске қол жеткізуге көмектесті.

«Үлкен жанкүйерлер алдында ойнау — керемет сезім. Жанкүйерлер қуанышта болды, бұл мен үшін жаңа тәжірибе», — деді Кабиа.

Жас шабуылшы 2024 жылдың қыркүйегінде Болтонға қарсы Лига кубогы ойынында Арсеналдың негізгі құрамында дебют жасады. Жазда ол сондай-ақ Испания мен Қиыр Шығыста канонирлердің негізгі құрамымен маусым алдындағы жиындарға қатысты.

«Жастар командасында бірнеше маусын өткізгеннен кейін мансабымда келесі қадам жасағым келді — бұл жалға алу осыған өте қолайлы», — деп атап өтті футболшы.

Кабиа Шрусбери бас бапкері Майкл Эпплтонмен жұмысын жоғары бағалады, ол оған үлкен футболға бейімделуге көмектесіп, әр ойыншының күшті жақтарын пайдаланады.