18 жастағы футболшы Аргентинада тізеге ота жасау кезінде қайтыс болды

Аргентиналық «Сан-Тельмо» футбол клубы өз ойыншысының қайғылы қазасы туралы хабарлады. Жастар командасының 18 жастағы жартылай қорғаушысы Камило Эрнесто Нуин тізеге ота жасау кезінде қайтыс болды.

Жас футболшы 2022 жылдан бері «Сан-Тельмо» сапында өнер көрсетті — бұған дейін ол «Бока Хуниорс» пен «Индепендьенте» академияларында жаттықты. Спортшының нақты қайтыс болу себебі әзірге жарияланған жоқ.

«Жастар және қосалқы құрамалардың ойыншысы Камило Эрнесто Нуиннің қайтыс болғаны туралы терең қайғырып хабарлаймыз. Клуб бүгін аза тұту белгісі ретінде жабық болады», — делінген «Сан-Тельмо» мәлімдемесінде.

Аргентина футбол қауымдастығының (AFA) президенті Клаудио Тапия көңіл айтып, болған жағдайды «бүкіл футбол әлемін толқытқан қайғылы жаңалық» деп атады.