17 жастағы теннисші Дубай турнирінде тарихи рекорд орнатты

17 жастағы Мирра Андреева Dubai Duty Free Tennis Championships турнирінің үшінші кезеңінде Пейтон Стернсті сенімді түрде жеңді — кездесу есебі 6:1, 6:1.

Жас спортшы үшін бұл WTA 1000 санатындағы турнирдің 1/4 финалына төртінші рет шығуы. Бұған дейін ол Мадрид, Цинциннати және Пекинде де осы кезеңге дейін жеткен.

Сонымен қатар, Андреева кәсіби турдағы 10-шы ширек финалына шықты. Айта кетейік, 2009 жылдан бері WTA 1000 турнирлерінде дәл осындай жетістікке бұрын-соңды мұндай жастағы теннисші жеткен емес.

Келесі айналымда Мирра Андреева әлемнің бірінші ракеткасы — Ига Швентекпен кездеседі.