17 жастағы Андреева Дубайдағы турнирде тарихи рекорд орнатты

Мирра Андреева Дубайдағы WTA 1000 турнирінің үшінші кезеңінде америкалық Пейтон Стернсті 6:1; 6:1 есебімен жеңіп шықты.

17 жастағы ресейлік беделді «мыңдық» турнирлер сериясының ширек финалына төртінші рет шықты. Бұған дейін Андреева Мадрид Цинциннати және Пекиндегі жарыстарда керемет өнер көрсетті. Енді бұл оның тур деңгейіндегі 10-шы ширек финалы.

Жас теннисші бірегей жетістікке қол жеткізді, ол 2009-шы жылы бұл формат енгізілгеннен бері WTA 1000 турнирінің төрт ширек финалына шыққан ең жас спортшы атанды. Келесі матчта Андреева әлемнің бірінші ракеткасы — Ига Швентекпен күш сынасады.