16 жастағы Регги Уолш «Челси» тарихындағы ең жас ойыншылардың бірі атанды

Конференция лигасының жартылай финалындағы «Юргорденге» қарсы матчта «Челси» 4:1 есебімен сенімді жеңіске жетіп, маңызды қадам жасады. Бұл ойында 16 жастағы жартылай қорғаушы Регги Уолш алғаш рет негізгі команда сапында алаңға шықты.

Уолш осылайша «Челси» тарихындағы ең жас үшінші дебютант атанды — ол тек Иан Хэмилтонға (1967) және Кингсли Уиффенге жол береді. Жас ойыншы академияға 7 жасында қосылған, ал кәсіби келісімшартқа тек қазан айында, 17 жасқа толған соң ғана қол қоя алады.

Бас бапкер Энцо Мареска Уолштың әлеуетіне жоғары баға берді:

«Ол өте жас, бірақ біздің ойын стилімізге мінсіз сәйкес келеді. Оған оқу, қажырлы еңбек ету және өсу керек. Биылғы маусымда академияның сегіз түлегіне дебют бергенімізге қуаныштымыз».

Ағымдағы маусымда Уолш 18 жасқа дейінгі команда құрамында 15 матчқа қатысып, 4 гол және 2 нәтижелі паспен көзге түсті.

Ойын барысында дубль авторы болған шабуылшы Николас Джексон жас серіктесі туралы пікір білдірді:

«Ол өте жақсы ойыншы, жоғары деңгейлі. Оны үлкен болашақ күтіп тұрғанына сенімдімін».

«Челси» бұл матчта тек жеңіске жетіп қана қоймай, болашағына сенім ұялатқан сәтті кеш өткізді.