«Қайрат» өз алаңында ғаламат камбэк жасап, келесі кезеңге шықты

Алматының «Қайраты» Чемпиондар лигасының іріктеу кезеңінің екінші айналымынан сүрінбей өтті. Алғашқы ойында Финляндияда «КуПС»-тан 0:2 есебімен жеңілген ҚПЛ чемпионы өз алаңында кемінде үш гол айырмасымен жеңіске жетуі қажет еді — және бұл міндетті команда абыроймен орындады.

Жауапты кездесудің бірінші таймында-ақ алматылықтар қажет нәтижеге қол жеткізді. 16 жастағы Сәтпаев 9-минутта алыстан бағыттаған тамаша соққысымен есеп ашты. 29-минутта Жоржиньо есепті еселесе, 43-минутта Сәтпаевтың нәтижелі пасынан кейін Громыко үшінші голды соғып, ойынның тағдырын шешті.

Екінші таймда есеп өзгерген жоқ — 3:0. Қос матчтың қорытындысы бойынша жалпы есеп — 3:2. Осылайша, «Қайрат» келесі кезеңге жолдама алды.

Біздің парақшамыздан футбол матчтарының барлық нәтижелерін Live форматта бірінші болып біліңіз!