Қазақстан Билли Джин Кинг кубогының ширек финалында

Әйелдер арасындағы командалық әлем чемпионатының (Билли Джин Кинг кубогы) финалдық кезеңіне арналған жеребе тарту рәсімі өтті. Қазақстан құрамасы ширек финалда басты фавориттердің бірі — АҚШ командасымен ойнайды.

Егер қазақстандық теннисшілер жеңіске жетсе, жартылай финалда Жапония мен Ұлыбритания жұбының жеңімпазымен жолығады.

Ширек финалдағы барлық жұптар:

– Италия – Қытай
– Испания – Украина
– Қазақстан – АҚШ
– Жапония – Ұлыбритания

Турнирдің финалдық кезеңі 16–21 қыркүйек аралығында Қытайдың Шэньчжэнь қаласында өтеді.